Added: Mar 15, 2008
From: CHANNELShpendi
Duration: 1:52
Bilanci i shpërthimit në Gërdec të Vorës është i rendë - 5 të vrarë dhe 244 te plagosur Të paktën pesë persona janë vrarë dhe mbi 200 janë plagosur në një varg shpërthimesh në një fabrikë për çmontimin e armatimeve në fshatin Gërdec afro 16 kilometra larg kryeqytetit Tiranës. Shpërthimet shkaktuan rreth 244 të plagosur dhe së paku 5 persona të vdekur, si dhe dëme në një zonë të gjerë, dhe u dëgjuan më shumë se 170 km larg, deri në kryeqytetin maqedonas, Shkup. Thuhet të jenë janë akoma 100 mije ton municione qe duhen demoluar. Deri në orët e vona të mbrëmjes së të shtunës dhe mëngjesit të sotëm bëhet fjalë për 5 viktima dhe rreth 244 të plagosur, mes të cilëve gra e fëmijë, ku ka edhe të lënduar në gjendje të rëndë. Mirëpo, kryeministri Berisha ka shtuar se ku nuk është numri përfundimtar i viktimave. Incidenti mendohet të ketë ndodhur gjatë një operacioni çmontimi të armatimeve, nga një firmë e huaj. Dëshmitarë pranë vendngjarjes kanë dhënë dëshmi rrëqethëse, duke theksuar faktin për humbje të kontakteve me të afërmit e tyre, si dhe për shkatërrimet masive të banesave dhe automjeteve. Shpërthimet vijuan njëra pas tjetrës, duke sjellë një atmosferë lufte në zonë, ndërkohë që Tirana u përfshi nga një gjendje alarmi të ambulancave, zjarrfikësve dhe mjeteve të tjera të ekipeve të shpëtimit. Berisha : Bilanci i shpërthimit është i rendë - 5 të vrarë dhe 244 të plagosur Kryeministri Sali Berisha ka deklaruar se numri i të vdekurve është i konsiderueshëm, dhe ka urdhëruar ngritjen e disa shtabeve të emergjencës. Ai e cilësoi ngjarjen një tragjedi të përmasave të jashtëzakonshme. Berisha tha se depot e armatimit përbëjnë një rrezik kombëtar për vendin. Berisha theksoi se janë akoma 100 mijë tonë municione qe duhen demoluar. Kjo po behej me dijeninë dhe ndihmën e NATO-s. Berisha foli edhe për masat qe do te merren për te ardhmen. Një grup ndërministror do të ngrihet për te hetuar ngjarjen. Sipas Berishës janë marre edhe masat e nevojshme për jetën e banoreve te zonës. Janë evakuuar mbi 4 mije banore te fshatit dhe zonës përreth. Të plagosurit janë dërguar në spitalet e Durrësit dhe Tiranës. Këto i kanë bërë thirrje qytetarëve të dhurojnë gjak për të ndihmuar të plagosurit. Kanë vazhduar kërkimet për punëtorët që ishin në punë në momentet e shpërthimit. Punëtorët e shpërthimit kanë gjetur dhe shpëtuar 25 banorë që ishin fshehur në një bunker. Shumë banorë ishin fshehur në tunele, apo bunkerë nga frika e shpërthimeve të tjera. Janë ngritur dhe shtabet e emergjencës dhe punonjësit e xhenios, zjarrfikëset dhe ato të shëndetësisë kanë hyrë në fshat. Mjete të blinduara dhe forca speciale të ushtrisë u kanë shkuar në ndihmë banorëve. Nuk dihet ende shkaku i shpërthimit, po kryeministri Berisha tha se nuk përjashtohej gabimi njerëzor apo mund të ishte thjesht aksident. Presidenti Bamir Topi, ka kërkuar që t'u krijohen mundësitë e duhura dhe qetësia e nevojshme punonjësve të shëndetësisë dhe policisë, për t'u ardhur në ndihmë të plagosurve. Solidaritet më të mbijetuarit ka shprehur dhe kryetari i opozitës Edi Rama, i cili shkoi pranë vendngjarjes dhe në spital. Ndërsa kryeministri Sali Berisha tha se qeveria do të bëjë gjithçka për t'u ardhur në ndihmë banorëve të rrezikuar. Zoti Berisha tha se kishte nisur një hetim për aksidentin, i cili ndodhi në një fabrikë të drejtuar nga një kompani amerikane për çmontimin e armatimeve. Shqipëria ka më shumë se 100 mijë ton municion të periudhës komuniste - të përhapura në të gjithë vendin Zoti Berisha tha se do të gjenden rrugë të reja për të shkatërruar "sasinë kolosale" të tyre, me që sipas tij municioni i rrezikshëm përbën problem madhor. Një numër vendesh të NATO-s e kanë ndihmuar Shqipërinë të shkatërrojë municionin e tepërt e të vjetërsuar. Tirana shpreson të marrë ftesë për të hyrë në aleancë në samitin e Bukureshtit, muajin e ardhshëm. Zoti Berisha i tha gazetarëve se nuk besonte se aksidenti i të shtunës do të ndikonte në vendimin që do të merrej. Aksidente të ngjashme, tha ai, kishin ndodhur edhe në një numër vendesh të NATO-s. Vende të ndryshme si SHBA, Italia, Greqia, Maqedonia, Turqia dhe Kosova kanë ofruar ndihma mjekësore dhe të tjera pas shpërthimeve.
Channel: Nonprofit
Tags: announcements federal gerdec governmen government grassroots local nonprofit outreach public regional service
Rating: 5.00 (7 ratings) Views: 2364' favoriteCount='1 Comments: 0
